Икона Повчанская

Ikona_Povch_640_448

Один комментарий на “Икона Повчанская

  1. Карпатська Русь ро́дила для Церкви християськой вели́коє число подви́жников благочестія, сонм святы́х и чудотворні иконы.
    (написана русином Мелетієм С. Унгвар 1924 г.)
    Межи церковныма иконами Божôй Матери є єдна из древньых русинськых икон — Икона Нанковська-Повчанська. Єї історія поязана из чудесным явленієм для вразумленія людий коло селенія Нанково. Найдену икону не могли перенести на другоє мѣсто даже силôв многых конюв. Лем позад молитвы вѣрных йсе удалося зробити. На мѣстѣ сем заби́в источник-кирни́ця святôй воды, котрый источає животворну воду (и до днеська, ред.). Газда того мѣста пошкодова́в дати землю на Храм в честь сей иконы и скоро позад сёго утратив свôй маєток и благословеніє. А икона была перевезена из честьôв в русинськоє селеніє Пôвч (днеська почти всё мадярськоє, ред.), котороє стало называтися Марія-Пôвч, а икона дôстала ново́є имня́ «Повча́нська».
    Икона стала для русинов Карпатськой Руси великôв святыньôв. В часы нашествій ци трагедій икона «плакала», призиваючи русинов до усиленой молитвы и активной позиціи в защитѣ родôй земли.
    Про икону узнав австрійськый імператор Франц-Иосиф и приказав перевезти русинську святыню — икону Повчанську в столицю Австріи Вену де она была помѣщена из великôв честьôв храм св. Стефана. Там она также «заплакала» за то, што лишила русинську землю, но стала удо́бным мѣстом паломничества всѣх русинов, котры ся учили, ци робили в Венѣ.
    Была написана копія оригінала сей иконы и помѣще́на в церкви повчанськôй на єї мѣстѣ де и днеська ходиме на поклоны».
    Од автора, што найшов сей лист: Днеська икона Нанкôвська-старо-Повчанська обновлена. На мѣстѣ, де ся у́явила икона у древности, возведена в с. Нанково каплиця в честь иконы Божôй матери Нанкôвська (як старо Повчанська) и каждый гôд 10 августа служится велика служба, причому, каждый раз архієрейська Літургія из множе́ством на́рода и духове́нства. На мѣстѣ сем де в старі часы забив исто́чник-кирни́ця святой воды, у́муровали колодязь, котрый источає животворну воду и до дне́ська всѣм жела́ющым, а Божая Мати Нанкôвська-Повчанська дає силы и днеська русинам сокотити сво́є, ставши на защиту сво́го, русинського, од посяга́тельства врагôв.

Добавить комментарий

Ваш e-mail не будет опубликован. Обязательные поля помечены *