Преподобный Феодосій Печерськый.
ЗАВѢЩАНІЄ КИЄВСЬКОМУ КНЯЗЮ ИЗЯСЛАВУ ПРО ПРАВОСЛАВНУ ХРИСТИЯНСЬКУ ВѢРУ. (По-русинськы)
Господи, благослови! У ме́не єсть слово к тебҍ, Боголюбивый Княже.
Я – Феодосій, худый раб Пресвятої Тройцы, Отца и Сына и Святого Духа, в чистой и православной вҍрҍ рожденный и воспитаный в доброму наученію православными отцëм и матҍрьôв. Бережися, чадо, кривовҍрôв и всҍх бесҍд їх, бо и наша земля наповнилася ними. Аж кто и спасет свою душу, то лем, живучи́ в Православной вҍрҍ, бо нҍт иной вҍры лҍпшої, чим наша чиста, Свята, Православна. Живучи в сҍй Вҍрҍ, не лем избавишься от грҍхôв и вҍчної мукы, но и зробишься причастником вҍчної жизни, и без конца будешь радоватися со Святыми.
А живу́щі в иной вҍрҍ не увидят жизни вҍчной. Не подобаєт также, чадо, хвалити чужу вҍру. Кто хвалит чужу вҍру, то йсе всë равно, кой сво́ю хулит. Аж кто будет хвалити свою и чужу, то он двоєвҍрец, близькый ид єреси. Итак, чадо, бережися їх и всегда стôй за свою Вҍру. Не братайся из ними, но отбҍгай от них и подвизайся в своюй вҍрҍ добрыми дҍлами.
Но вот милостыню твори́ не лем свойим по вҍрҍ, но и чужевҍрным. Аж увидишь наго́го, или голодного, или в бҍду попавшего будь-то жид, или другый якыйись иновҍрец, или латинянин, – до всякого будь милосердный, избавь ëго от бҍды, як лем можешь, и не будешь лишеный награды у Бога, бо и Сам Бог в нынҍшнҍм вҍцҍ изливаєт милости Сво́ї не лем на християн, но и на невҍрных. О язычниках и иновҍрцах Бог в сëму вҍцҍ печется.
Но в будущему вҍцҍ они будут чужды вҍчных благ.
Мы же, живущі в Православной вҍрҍ, и здҍ получаєм всі блага от Бога, и в будущему вҍцҍ спасет нас Господь наш Іисус Христос.
Чадо! Аж тебҍ́ треба будет умерти за Святую свою вҍру, со дерзно-венієм иди́ на смерть. Так и святі умирали за Вҍру, а нынҍ живут во Христҍ.
Аж увидишь, чадо, иновҍрцҍв, спорящых из православным и хотящых одорвати ëго от Православної Церкви – поможи православному. Сим ты избавишь овечку от пасти льва. Аж промовчишь и оставишь без помочи, то йсе всë равно, як бысь отняв иску́пленну душу у Христа и продав єї сатанҍ. Аж ктось тебҍ скажет: «Ваша и наша вҍра от Бога», то ты, чадо, отвҍть ëму так: «Кривовҍр, или ты и Бога считаєшь двоєвҍрным? Не слышишь, что говорит Писаніє: “Єден Бог, єдна Вҍра, єдно крещеніє» (Еф. 4:5). Ци не чуєшь ты Апостола Павла, поучающего: «Аж и… ангел из небес благовҍстит вам не так, як мы благовҍстили, …да будет проклятый» (Гал. 1:8).
Иновҍрцы отвергли проповҍданіє апостольскоє и постановленія святых отцев и приняли неправу и развращенну вҍру, наповнену всякої погыбҍли, зато́ и отвергнуты на́ми. Они мертві и мертву жертву приносят.
Мы же Живому Богу Живу Жертву приносиме, чисту и непорочну, обы обрҍсти живот вҍчный во Христҍ Іисусҍ Господҍ нашому. Єму́ же й слава. Амінь.
https://svyatye.com/chitat/Prepodobnyi-Feodosii-Pecherskii-Zaveshchanie-Kievskomu-kniaziu-Iziaslavu-o-Pravoslavnoi-khristianskoi-vere/