Или про то, что происходило в Ужгородҍ в 1871 году.

 В Ужгородҍ и на Карпатськой Руси причинôв для принятія уніи часто ставали чисто матеріальні аргументы. Из точки зренія карєристôв, невозможно сохраненіє Православія  – Старої Вҍры, аж се «економічно навыгодно»  и «не рентабельно». А, что єще ху́же, так се, что “з воодушевленієм” боролися против народа, желающего вернутися в Православіє.

Се їх лицемҍріє изли́лося и в словах стиха А.Митрака так:

«Перемҍнôв старой вҍры Кола́ч пріобрҍли»,[1]

но нам, потомкам, предкы всë же оставили русскую народность, за что їм, предкам, честь и пожеланіє доброї и вҍчної памяти:

«Нам же, своим наслҍдникам,

Народность лишили;

За ту добру тямку свою

Бодай бы спочи́ли!»

Вот якыми ниже приведеными аргументами варіровали уніатствующі, котрі боролися против возстановленія старої вҍры – возвращенія в Православіє простого народа и интеллигенції Карпатськой Руси.

Читаєме про то в журналҍ «Новый свҍт» статью за 1871, 29 юнія.

 Униатствущі русины казали: «Мы откровенно поставляєм вопрос: Кто спасет Общество св_. Василія В.?, а сим и образованіє Русского народа на Угорщинѣ? Спасут-ли тѣ, котрі идучи́ за непостижимыми для нашых сил – мечтаніями (о народности, о Православії, о обвҍтшалых историчных правах из тѣх времен, коли сын свято́го Стефана, царя угорського И́мре назывався Dux Rutenórum и проч.) — любили бы Русскій народ наш и вперед содержати исключе́ным от сношеній из иными окружающими ëго — народами; либо спасут Общество тѣ, котрі любили бы Русскій народ, сдѣлати равноправным по тѣм засадам, котрі представляєт господствующа всьôв Європôв образо́ванность?

Скажем прямо – Общество св. Василіа В. от трëх годов сталося поприщем так званных “партій”. Єдна из сих партій видится быти orthodox-альна в тому значенію слова, по котрому не довжно ни єдной точкы покинути из преданія отцҍв. Як видиме по примѣру нынѣшніх жидôв orthodox-ôв, покинувшых закон Мойсея, но прилѣпляющыхся крѣпко преданіям Талмуда. Друга партія также может называтися orthodox-альнôв, она бо ничего не пропускаєт изъ вҍры и обрядôв, но (а то вручаєме вниманію) въ дѣлѣ образованности не хочет оставити народ там, гдѣ он был тогда, когда ëго священникы, слово Божіє єще в бочкора́х проповѣда́ли, панщину одробляли, и з изъятієм русской бесҍды ниякого языка не знали, да и не числилися в ряду из образованными людьми; Як то сëго дня єще видѣти можно у “провославных”, по сторонам “братії нашей” Сербôв, Румунôв. . .

“Не лем бы мож возвратити былу славу русинам, но и й приумножити єї”!

Униатствущі русины казали: “Мы скажеме прямо, что мы оставлєме єдинокаждому из соплеменникôв нашых для вольного разсужденія: хочут ли  смотрѣти вперед или назад? Может быти, вѣра їх, спасе́т їх? Но мы хочеме держатися то́го, нача́ла reminiscere praeteritorum – age prudentia – cura de futuros, т. е. мы не забываєм о бывшему, но дҍлаєм – по нынҍшнëму и смотриме вперед;

Бо перед нами не то, чим были отцы наші, но чим имѣют быти сыны наші!

Вѣруйте, что отцы наші не встанут из гробốв просвѣщати народ наш; они тốлько молятся за нас, чтобы мы не испортили вѣру їх; просвѣщеніє  же потомкôв їх, оставляют нашему поколѣнію, довжностьôв, котрого: образовати народ», а не вести ëго в старинну славу, котра перестала быти, и ниякі преданія отцев нашых не в состоянію о́ную возврати́ти. Мы совершенно внимаєме положенію на ішноє; а то не по лицу вать индивидуальности, як даякі думают, но по требованіям народа  и по обязанности спасти общество нашоє от пагубы, грозящей ëму сëго года, во время общего собранія, коли «партії» за́ново вадитися будут за благополучіє (нашего) русского народа».

Они же, уніатствующі, также свôй карєризм и продажность называли “искренним желанієм добра”, а борющихся за сохраненіє Православія,  и гонимых, и переслҍ́дуємых, называли «ищущыми личных выгод»:

«Мы сходно священному Писанію, по котрому потребно перед всѣми искати царствія Божія, а прочія придадутся намь, хочеме перед всѣми искати образованія для народа, а не партій, и не интригантных сцен, не личных выгод; прочі получив от сил наших и от Бога! Для того говорится у насъ: «Разумѣйте языцы и покаряйтеся, яко с нами Бог!”

Но прийшшов час и распалася Австро-Венгрія и возстали люди наші и вернули себі древнеє Православіє, из фіксаційôв в регістрації Церкви в ЧСР – “Карпаторусская Православная Церковь Русинов Восточная”.

” Перемҍнôв старой вѣры Колач пріобрҍли”

МЫ УБОГИ – А. Митрак

Мы убогі и мало нас,

Велика в насъ старость:

Наші дѣти босо ходят

Про вашу немудрость.

Говорят вам наші люде:

„Язык свой любіте,

И народні права ваші

Никому не да́йте.” —

Добрѣ їм там говорити,

При сытости полнôй,

И писати статеєчки

О жизни народной.

Мы же бѣдні сговорі́мся,

Народность продайме;

Панство наше высокоє

И нас в ласку прийме.

Отцы наші также смутно

И в тѣснотѣ жили:

Перемѣнôв старой вѣры

Колач пріобрѣли.

Нам же, своим наслѣдникам,

Народность лишили;

За ту добру тямку свою

Бодай бы спочи́ли!

[1] Из стиха А. Митрака:  «МЫ УБОГІ».  – « Перемѣнôв старой вѣры Колач пріобрѣли».

https://rusyns-library.org/my-ubogi-a-mitrak/