Фото: Еп. Тихон и преп. Алексий Товт межи русинами. (1905, Америка)
Подѣлитися в Telegram
Читая посланіє патр. Тихона, написанноє бốльше 100 ро́ків то́му, удивля́ємеся, якы́ми бы́ли и́звергами революціоне́ры-большевикы́ у борьбҍ про́тив Православної Церкви и в злочинҍ сплано́ваного геноци́да сво́ëго наро́да.
Нам, русинам подкарпатськым, обращенія нашых архієрієв и, особенно, єпископа Американського и Русинського Тихона, будущего патріарха, ду́же ва́жні. Вы́ше 130 годув то́му, (из 1891 года), перві русины-американты почали вертатися в США в Православіє при ëго місіонерськых трудах. За сим пак, вертаючися дому́в на Карпатську Русь, русины уже дома в 1904 годҍ почали́ именно движеніє за Православіє. Американты-русины верталися из унії в Православіє в США свободно. Под вдохнове́нієм русинôв-американтôв ипри їх фіна́нсовôй по́мочи, дома́шні русины́ часто цҍ́лыма се́лами верталися в Православіє, зача́вши Великоє Пове́рнення русинôв-уніатôв в сво́є и́стинноє Христово Правосла́віє!
Но до́ма, в Карпатах, они́, америка́нты-русины́ претерпіли зато великі гоненія. Пак, и́менно, бу́дучи воодушевле́ными в Америці проповҍдями єпи́́скопа Тихона и священника-русина Алексія Товта, наш русинськый народ, поза́д австро-мадя́рської уніа́тської нево́лі, но зазна́вши амері́цької свобо́ды, смҍ́ло ся верта́в в прадідôвську нашу вҍ́ру. При сë́му, до́ма, в Австро-Венгрії, на одмҍ́ну от свобо́ды в США, русинôв-американтôв поча́ли системати́чно и повсемҍ́стро переслҍ́довати, мета́ти в тю́рьмы, тягну́ти в позорні суды́. Якра́з в суда́х австрійсько-мадярська суде́бна маши́на рҍши́ла русинốв, одыйшôвшых од унії, обвиня́ти, же они́ шпійо́ны ру́ські, скрываючи, же большинство їх – реально америка́нты-русины́.
Невзира́я на ото́ австро-мадя́рськоє держа́вноє шанда́рьскоє и суде́бноє сопротивле́ніє, всë та́ки наста́ло сла́вноє повернення русинốв из наси́льственно навя́заної Австрійôв Ужгородської унії в 17 вҍцҍ, до вы́ше тисячолҍ́тнëго Кирило-Мефодієвського Правосла́вія. Ста́лося из русинами так, як коли́сь из євреями, по слову псалмопҍвца:
«Уходящі (из до́мув в Америку русины́), йшли́ и пла́кали, мета́ючи (слызы́, як) сҍмена́ сво́ї; а гряду́щі же (домув), при́йдутъ (пак из Америкы) из ра́достьôв, приносящі рукоя́ти-за́роботкы сво́ї» (Пс.125,6): фіна́нсові – в доля́рах, а духо́вні – в прийнятії Правосла́вія.
Предлагаєме нашым русинам вникнути в дух повернення предкôв-русинôв из унії в америка́но-руси́нськоє Правосла́віє, прочита́вши ува́жно, як обращенія митрополита Антонія днеська и на ряд проповҍде́й и посла́ній єпи́скопа Америка́нського и Руси́нського Ти́хона, 100 літньої да́вности.
Якраз и митрополит Антоній 16.06.2022 року также обратився до послốв ЄС и межинародных організацій одно́сно про́вб вообще заборони́ти УПЦ в Україні. Но всі в світі мовчать. Тому 20 червня/юнія 2022 г. ним же «бы́ли напра́влені Пи́сьма Гла́вам Антіохі́йської, Ієрусали́мської, Се́рбської, Румы́нської, Болга́рської, Грузи́нської, По́льської, Алба́нської, Чешсько-Словацької, Американської Православных Церквей, а также до ієрархôв вспомянутых Церквей, включая ієрархôв из Кіпрської Церкви».
Двома ты́жнями раньше в мережи появилося «Обращеніє православної общественности Закарпаття..», конкретно Изы, Хуста и Мараморощины, ид Патріархови Сербському про гоненіє на православных в Закарпатті и про заборону канонічної Православної Церкви в Україні, что сим повторилася для них ситуація выше 100 літньої давности, яка́ уже бы́ла и при Австро-Ве́нгрії.
Поученіє єп. Тихона русинам, прихожанам церкви Міннеапо́лиса в США.
25 апреля/7 мая 1899 г. г. Миннеаполис, США.
«При посҍще́нію мнôв прихо́дôв, Бо́гом храни́мой єпархії нашей, я, Тихон, вы́брав вашу Міннеапо́ліську пара́фію пе́рвôв; И не лем зато, же она́ первôв бы́ла на пути́ от кафедра́льного го́рода на́шого; пе́рвыми вас, братіє, посҍщаю зато́, же вы пе́рві из здҍшніх (американськых) уніатôв-русинôв возсоєдини́лися из Православнôв Церковôв; вы для нея́ пе́рвенцы, перворо́дні нача́ткы єя́ из бы́вших уніатôв. Перворо́дство же и по Бо́жому чи́ну и в жите́йському быту́ имҍ́єт ва́жноє значе́ніє. Пе́рвенцам усво́юются многі́ права́ и преиму́щества в уравне́нію из остальны́ми, бо на них оби́льно излива́ются благослове́нія Бо́жі; «Най благословит тебе Бог, най возрасти́т и умно́жит! най даст тебҍ́ Бог от росы́ небе́сної и от ту́ка земли́, и мно́жество пше́ницы и вина́; най поработают тебҍ́ язы́кы, и най покло́нятся тебҍ́ князі́, и будь господи́н бра́ту тво́ëму, и покло́нятся тебҍ́ сыно́ве отца́ тво́ëго», – вот як и благословля́ли вҍтхозавҍ́тні патріархы сво́йих пе́рвенцюв (Быт.27:28–29;28,3). …На вас, братіє, як на перворожде́нных из уніатôв в Правосла́вії, изо́лляті предстоя́телями Православної Церкви туй вели́кі и бога́ті ми́лости, як по́вна и уще́дрена мҍ́ра. Перечисля́ти сисі́ ми́лости я счита́ю ли́шнім, так як ду́маю, же ва́шоє благода́рноє се́рдце само́є подска́жет вам, скốлько и что зробле́но для ва́шого бла́га!
Но, братіє мо́ї, перворо́дство не лем да́єт извҍстні права́, а на облада́телей ëго́ налага́єт и осо́бі, преимущественні обя́занности. Так и вы, братіє, первенцы, люди обновленія, род и́збранный Провидҍ́нієм Бо́жым, обы́ возвҍща́ти невҍ́дущым чудный свҍт Православія, ëго́ и́стину и си́лу (1Петр.2:9).
Як в фамилії старші довжні для младшых служити при́мҍром, так и вы младшым, тым, котрі до́ма пôздніше вас возсоєдинилися из Православнôв Церковôв, довжні подавати примҍр и служити о́бразом в житії́, в любви́, у вҍ́рҍ, в чистотҍ́ (1Тим.4,12).
Так най просвҍтится свҍт ваш перед окружа́ющыми вас людьми́, обы́ увидҍли ва́ші до́брі дҍла́ и просла́вили бы (Матф.5:16) на́шу Святу́ Православну́ Церковь, чле́нами коєй, по ми́лости Бо́жієй, стали сьте вôсямь лҍт то́му наза́д (т.є. 25 апреля/7 мая 18 99 г.).
По Бо́жому попуще́нію и вы, бра́тіє, да́якый час, находяся во мра́кови у́нії, не бы́ли сьте очеви́дцами сла́вы Православної Це́ркви. Но Промышленієм Бо́жым и́нші из вас узна́ли в Сан-Франци́ско про существова́ніє Православної Це́ркви, самі́ заинтересова́лися нив, и повҍ́дали за нея́ и остальны́м. И, подо́бно ап. Фомҍ, из ра́достьôв воскли́кнули они́: «Туй – в Православнôй Церкви – Господь мôй и Бог мôй (Иоан.20:28)! Но так и к вам, гикой Фомҍ́, то́же мож вповҍ́сти: «Не будьте невҍ́рні, но вҍ́рні» (Иоан.20,27).
Войшốвши в Православну Церковь, вы вкуси́ли и ви́дҍли, якы́й благы́й Господь (Пс.33,9). Зато́, братіє, стốйте и держіть преда́нія, ни́ми же научи́ли сьте ся (2Сол.2,15) в Православной Церкви. Неукло́нно держі́ться исповҍ́данія упова́нія ва́шего, воспомина́я пе́рві дні, коли вы просвҍти́лися свҍ́том Правосла́вної Вҍры, претерпҍ́вши за сіє́ нема́ло скорбе́й и поноше́ній (Євр.10:23,32–33); и не оставля́йте собра́нія сво́ëго, як ото́ єсть обычай у да́котрых из вас, а, напро́тив, увҍща́йте єде́н дру́гого и обдару́йте в любви́ и до́брыми дҍла́ми (Євр.10, 24-25).
По примҍру пе́рвых христия́н, про что и читалося нынҍ в Дҍяніях Апостольськых, и вы пребыва́йте єдноду́шно при Це́ркви Бо́жуй (Дҍян.5,12). Сим єднодушієм церковным и бы́ли сильні́ пе́рві христия́не; у них было єдно́ сердце и єдна́ душа́, нерҍ́дко и имҍнія бы́ли о́бщі (Деян.4:32); межи́ ни́ми ца́рствовали мир, любовь, состраданіє, взайи́мна помôчь. Ид такы́м добродҍ́телям до́вжна устремля́тися вся́ка христия́нська общи́на, ва́ша же май па́че, як старҍ́йша межи́ здҍ́шніх.
Бог же мира, возвҍ́вшый из мертвых Па́стыря овца́м Вели́кого Го́спода на́шего Іису́са Христа́, най совершит вас у вся́кому благо́му дҍ́лҍ (Евр.13,20–21) и най утвердит вас в Православії и єдиномыслію. Амінь». 25 апреля/7 мая 18 99 г. г. Міннеаполіс
АПВ, 1899, т. III, № 10, с. 272–273. https://azbyka.ru/otechnik/Tihon_Belavin/amerikanskij-period-zhizni-i-dejatelnosti-svjatitelja-tihona-moskovskogo-propovedi-i-stati/4
Посланіє святҍ́йшого Патріарха Тихона (Бҍла́вина) Совҍту Народных
Комісарôв по случаю первої годовщины октябрьскої революції
Од Святҍйшого Патріарха Тихона Совҍту Народных Комисарôв.
«Всҍ, взявшії меч, мечом и погы́бнут» (Матф. 26, 52).
Сесе́ проро́чество Спаси́теля обраща́єме мы ид вам, «нынҍшнім верши́телям судеб» нашего Отечества, называ́ющі себе́ «наро́дными» коміса́рами. Цҍлый гôд держите вы в руках сво́йих держа́вну власть и уже збира́єтеся пра́здновати годовщи́ну октябрьскої революції, но рҍка́ми пролита крôвь брату́в на́шых, безжа́лостно уби́тых по-вашому призы́ву, вопієт ид не́бови и вынужда́єт нас вповҍ́сти вам гôрько́є сло́во пра́вды.
Захвату́я власть и призыва́я народ довҍ́ритися вам, пак які обҍщанія дава́ли сьте ëму́ и як ись те испо́внили сисі́ обҍща́нія?
И́стинно, се вы дали́ ëму́, про́стому наро́дови, ка́мҍнь за́мҍсть хлҍ́ба и змҍю́ замҍсть ры́бы (Матф. 7, 9–10). Наро́дови изнуре́нному кровопроли́тнôв войнôв, вы обҍщали дати́ мир «без ане́ксій и контрибу́цій». … И замҍсть ане́ксій и контрибу́цій, … вы та́йно выво́зите в Герма́нію не ва́ми зо́браноє зо́лото. Оте́чество вы подмҍни́ли безду́шным інтернаціона́лом, хоть самі́ одмҍ́нно зна́єте, же, коли́ дҍ́ло доту́лится вопро́са защи́ты Оте́чества, пролета́рії всҍх стран явля́ются вҍ́рными ëго сынами, а не преда́телями. Одказа́вшися борони́ти Отчи́зну од вонкашніх врагôв, вы, єдна́ко, безпреры́вно набира́єте во́йсько. Пак про́тив ко́го вы їх ведете́?
Вы раздҍли́ли вши́ткый на́род на вражду́ющі межи́ собôв сто́роны и вве́ргли сьте ëго в небыва́лоє по жесто́кости братоубійство. Любо́вь Христо́ву вы откры́то замҍни́ли не́навистьôв, и, замҍсть ми́ра, лука́во розпали́ли сьте кла́сову вражду́. И не предви́дится кунця́ порожде́нної ва́ми во́йны, пак се так вы устрҍмля́єтеся рука́ми … рабо́чых и селян ста́вити торжество́ при́зраку мирово́ї револю́ції?
…Нико́ не чу́вствуєт себе́ в безопа́сности; всі живут под постоя́нным стра́хом о́быска, грабежа́, выселе́нія, аре́ста, разстрҍла. Хвата́ют со́тнями беззащитных, гноя́т цҍлы́ми мҍ́сяцями в тю́рьмах, казня́т сме́ртьôв, часто без вся́кого слҍ́дства и суда́. Казня́т не лем тых, котрі перед вами в чо́мусь провини́лися, но и тых, котрі да́же перед вами завҍ́домо ни в чому не винні, а взяты лишь в якости «зало́жникôв»; сих несчастных убива́ют в по́мсту за преступле́нія, сотвореннні ли́цями, не тôҍлько їм не єдиномысленными, а часто вашыми же сторо́нниками ци близькыми вам по убҍжде́ніиям. Казня́т єпи́скопôв, свяще́нникôв, мона́хôв и мона́хинь, ни в чому непови́нных, а просто по огу́льному обвине́нію в якуй ись то расплывчатôв и неопределеннôв контрреволюціонности. Безчеловҍ́чноє житя отягчаєтся для правосла́вных лише́нієм послҍ́днëго предсме́ртного утҍ́шенія – напу́тствія Святыми Тайнами, а тҍла́ уби́тых не выдаю́тся родичам для христия́нського погребенія.
Ци не єсть сіє верх бесцҍ́льної жесто́кости из стороны́ тых, котрі выдаю́т себе́ благодҍ́телями человҍ́чества и ні́бы самі́ колись мно́го перетерпҍ́ли от жестокых властей.
Но вам ма́ло, что вы обагри́ли ру́кы … на́рода ëго братськôв кровльôв, прикрываяся ра́зными назва́ніями контрибуцій, реквізи́цій, и націоналізацій, вы дру́лили ëго на са́мый откры́тый грабҍж и без ганьбы. По вашему наученію разграблені ци одня́ті зе́млі, усадьбы, заводы, фабрикы, дома́, скот; граблят гроші, вещи, мебель, одежду. Сперва гра́бите под именем «буржуєв», грабили людей состоятельных, пак, под именем «кулакôв» ста́ли уже гра́бити и бôльше зажиточных и трудолюбивых селя́н, умножа́я сим образом, нищых, хотя вы не можете не сознава́ти, же из разоренієм вели́кого мно́жества отдҍльных граҍждан ни́щится наро́дноє бога́тство и разоря́єтся сама страна́.
Соблазни́вши те́мный и невҍ́жественный народ возможностьôв легкої и безнаказанної нажи́вы, вы отума́нили ëго, народа, со́вҍсть и заглуши́ли в нë́му созна́ніє грҍха́; но якыми бы назвами не прикрыва́лись злодҍя́нія, – убійство, наси́льство, грабҍ́ж, всегда оста́нутся тяжкы́ми и вопию́щыми ид Небови про по́мсту грҍха́ми и зло́чинами.
Вели́коє бла́го – свобо́да, аж она́ пра́вильно уразумҍ́єтся, як свобода от зла, не стҍсня́юща дру́гых, не переходя́ща в произвол и своєволіє. Но тако́ї то свобо́ды вы и не дали́; у вся́кому потво́рствҍ низмҍ́нным страстя́м товпы́, в безнаказа́нности убійств и грабежа заключаєтся дарованна вами свобо́да. Всҍ проявле́нія як истинної гражданської, так и высшої свобо́ды человҍ́чества подавле́ні ва́ми беспоща́дно. Та ци сесе́ и є така́ свобо́да, коли нико́ без осо́бого разрҍше́нія не мо́жет прове́зти себҍ́ пропита́ніє, наняти кварти́ру, переїхати из го́рода в го́род?
Та ци сесе и є така́ свобо́да, коли́ сҍ́мьї, а пода́коли населеніє цҍлы́х домốв выселя́ются и майно́ выки́дуєтся на у́лицу, и коли гра́ждане шту́чно раздҍле́ны на разря́ды, из котры́х да́які о́тданы на го́лод и на разграбле́ніє? Та ци сесе́ и є така́ свобода, коли нико́ не мо́жет вы́сказати открыто сво́ю ду́мку, без опасе́нія попа́сти под обвине́ніє в контрреволю́ції? Гдҍ свобо́да сло́ва и печа́ти, гдҍ свобо́да церко́вної про́повҍди? Уже заплати́ли сво́йôв крốвльôв му́ченичества многі́ смҍ́лі церко́вні проповҍ́дникы; го́лос обще́ственного и держа́вного обсужде́нія и обличе́нія заглу́шеный; печа́ть, кро́ме узко-большеви́стської, зо́всҍм заду́шена.
Осо́бенно боля́чоє и жесто́коє наруше́ніє свобо́ды в дҍла́х вҍ́ры. Не прохо́дит дня, обы в о́рганах ва́шей печа́ти не помҍща́лися са́мі чудо́вищні клеветы́ на Церковь Христо́ву и єя́ служи́телей, злобні богоху́льства и кощу́нства. Вы глу́митеся над служи́телями алтаря́, заставля́єте єпи́скопôв ры́ти око́пы (єпископ Тамбо́вськый Гермоген) и посыла́єте свяще́нникôв на гря́зні работы. Вы наложи́ли сво́ю ру́ку на церко́вное достоя́ніє, со́бранноє поколҍ́ніями в́руючых людей и не заду́малися нару́шити їх посме́ртную во́лю. Вы закры́ли ряд монастырей и домовы́х церквей, без вся́кого на то по́вода и причи́ны. Вы закры́ли до́ступ в Моско́вськый Кремль – сесе свяще́нноє достоя́ніє всë́го вҍ́рующего народа. Вы разруша́єте иско́нную фо́рму церко́вної общи́ны – прихо́д, уничтожа́єте бра́тства и дру́гі церковно-благотворительні просвҍти́тельні учрежде́нія, разгоня́єте церковно-єпархіальні собра́нія, вмҍ́шуєтеся во внутреньоє управленіє Православной Церкви. Умі́туючи из школ священні изображе́нія и запрҍщая учи́ти в школах дҍтей вҍ́рҍ, вы лиша́єте їх необходимої для православного воспита́нія духовної їды́.
«И что же єще вповҍ: «Не достанет мнҍ вреҍмени» (Евр. 11, 32), обы изобрази́ти всі тҍ бҍ́ды, які пости́гли на́шу Отчи́зну. ..про повноє расстройство путей сообщенія, про небыва́лу продовольчу разруху, про го́лод и холод, котрі́ грозя́т сме́ртьôв в города́х, коли́ не є ну́жного для хозяйства в се́лах. Всë то у всҍх перед оча́ми. Айно, мы пережива́єме ужа́сноє время вашого влады́чества и довго оно́ не изгла́дится из душі́ народної, омрачивши в нюй образ Бо́жый и запечатлҍвши в нюй образ звҍ́ря. Збываются слова пророка: «Ногы їх бҍжат ко злу и они́ спҍшат, пилуются на пролиття́ невинної кро́ви, мысли їх – мысли нечести́ві, опустоше́нія и загы́бҍль на стезях їх» (Ис. 59, 7).
Мы зна́єме, же на́ші обличе́нія накличут на вас лем зло́бу и негодова́ніє и что вы будете искать в них лишь повода для обвинения нас в противленію власти; но чим выше будет подниматися «стôвп злобы» вашої, тым вҍрнейшым будет то свидҍтельством справедливости нашых обличеній.
Не нашоє дҍло судити про земну власть! Всяка власть от Бога допущена влекла на се́бе нашоє благословеніє, аж бы она́ вои́стину у́явилася «Божым слугôв» на благо подчиненых и была «страшна не для до́брых дҍл, а для злых» (Рим. 13, 3). Нынҍ же ид вам, употребляющим власть на переслҍдованіє бли́жніх и истребле́ніє неви́нных, простира́єме мы нашоє сло́во увҍща́нія; отпразднуйте годовщину сво́ëго пребыванія у власти освобожденієм заключенных, прекращенієм кровопролиття́, насильства, разоренія, стҍсненія вҍ́ры; обратіться не к разрушенію, а к устроєнію порядка и законности, дайте народу желанный и заслуженый їм отдых от межиоусобной бра́ни. А иншак взы́щется од вас всяка кровь праведна, ва́ми пролива́єма (Лк. 11, 50–51) и од меча погыбнете самі́ вы, взявшиеі меч (Матф. 26, 52).
Тихон, Патріарх. 13/26 Октября 1918 г.».