ПОРФИРІЙ
благодатьôв Божôв, Православный Архієпископ Печськый, Митрополит
Белградсько-Карловацькый и Патріарх Сербськый, из всҍми архієреями Сербськой Православной Церкви – кліром, монахами и всҍми сынами и
дочерями святої нашої Церкви: благодать, милость и мир от Бога Отца,
и Господа нашего Іисуса Христа, и Святого Духа, из радостным
рождественськым приветствієм:
МИР БОГА – ХРИСТОС РАЖДАЄТСЯ!
…Родився нам Младенец, даный нам Сын…» (Ис 2, 14).
Дорогі наші духовні чада!
Будеме же из нетерпенієм чекати сëго великого и чудесного праздника Рождества Господа нашего, Бога и Спаса Іисуса Христа, завершившего спасеніє міра и человҍка! Приєднаємеся ид ангельскому пҍнію: «Слава в вышних Богу и на земли мір, в человҍках благоволеніє!» (Лк 2, 14)!
Лучі славы Господнëї открыли нам печеру, што стала источником Пути, Истины и Жизни в мір! Порадуємеся из всҍм творенієм, воспҍвая нову пҍсню , про то, же Великый и Хвалимый, Господь превыше всëго, став Малым Младенцем – Богомладенцем! Возрадуємеся и, як пастырі в ту свҍтлу нôчь, свҍтліше дня, обы́меме Того, Кто небеса в яслі зложив! Давайте праздновати и, вслҍд за мудрецами Востока, безстрашно проповҍдовати сіяющу Звҍзду, прогна́вшу мрак смерти, што и привела нас ид вҍчному Свҍту и вҍчному Смыслу!
Тайна Рождества заключена в бесконечному смиренію Вҍчного, Котрый ро́дився Младенцем и Котрый позволив нам прикоснутися ид Себҍ и ачий, по смҍлой мысли Ірода, причинити Ëму бôль. Но, не заботясь о человҍчеськых немощах, Сын Божый ожидаєт нашої любви и позволяєт нам обняти Ëго.
Итак, на Рождество мы приглаше́ні быти прича́стниками Ëго роста в сëму мірҍ, обы возрасти в мҍру возрастанія повноты Христової (Еф. 4, 13). В сюй богочеловҍчеськой связи мы усваиваєме євангельскі добродҍтели, вҍчні цҍнности, котрі несет на землю Сын Божый.
Живучи по заповҍдям Господнім, под покровом святої Церкви, мы начинаєме видҍти Ëго очами, дыхати Ëго лëгкыми и мыслити Ëго разумом. Так мы постепенно принимаєме разум Христа, євангельская суть, вҍчні цҍнности, становляся возрожденными людьми, гражданами Царства Небесного и членами Дома Божія.
Братья и сестры, аж мы рҍшиме быти зформоваными Тайинством любви и смиренія, проявленным в Событії Рожденства Христова, всë довкола нас также преобразится. Аж эталоном всҍх ценностей станет Божественный Младенец, Лежащый спеленаный в яслях, мы услышиме тот же укрҍпляющый голос ангела, утҍшавшего пастухôв в перву рождественську нôчь: «Не бойтеся! Бо вот, я возвҍщаю вам велику радость, котра будет для всëго народа. потому что нынҍ родилося тебҍ спасеніє, котороє єсть Христос Господь» (Лк 2, 10-12). Се вҍчноє и нетлҍнноє ангельскоє ободреніє свойим благодатным посланієм и силôв превращаєт страдающый и раздираємый суматохами мір в мҍсто рождественського мира и радости. Для того обы сей даный нам покой став дҍйственным в нашоє время и в нашей жизни, мы довжні приложити ид нëму свої личні силы, мы довжні не лем приняти ëго, но и зробити ëго существенным содержанієм нашей жизни….
….Поздравляя вас из Рожденством Христовым и Новым 2023 годом благости Божієй, желаєме вам всякої истинно доброї и неодємлемої радости од Богомладенца Христа, радостным рождественськым приветствієм:
Мир Божый – Христос раждаєтся!
Дано в Сербском Патриархатҍ в Белградҍ
на Рождество 2022-23 г.
Ваши молитвословы перед Христом:
Архієпископ Печськый, Митрополит Белградсько-Карловацькый и Патріарх Сербськый ПОРФИРІЙ